Tatami ustalarımız Avstriyanın Obervart şəhərində keçirilmiş Avropanın açıq kubok turnirindən Azərbaycana 5 medalla qayıtmışlar.

Ötən həftənin son iki gününə təsadüf etmiş yarışlarda 60 kq çəki dərəcəsində çıxış edən Mehman Sadıqov və Orxan Səfərov (66 kq) bütün rəqiblərinə öz üstünlüklərini inamla sübuta yetirərək qızıl medal qazanmışlar.

Dpgər cüdoçularımızdan Telman Vəliyev (73 kq) gümüş mükafatçı olmuş, Vüqar Şirinli (66 kq) və Firudin Dadaşov (90 kq) isə  fəxri kürsünün  üçüncü pilləsində təbrikləri qəbul etmişlər.

Komanda hesabında Azərbaycan 2 qızıl, 1 gümüş və 2  bürün medalla birinci olmuşdur. İkinci – üçüncü yerləri Gürcüstan (2+1+1) və Yaponiya (1 qızıl və 2 bürünc medal) komandaları tutmuşlar.

Oqtay BAYRAMOV,

“Xalq qəzeti”