İsveçin Klippan şəhərində qadın güləşçilərin beynəlxalq turniri başa  çatmışdır. Azərbaycan milli komandasının lideri Mariya Stadnik 50 kq çəki dərəcəsində çıxışlarını gümüş medalla  başa vurmuşdur.

Olimpiya oyunlarının iki gümüş və bir bürünc medalının sahibi Stadnik finaladək Rumıniya,  Kanada və ABŞ-dan olan rəqiblərini tam üstünlüklə məğlubiyyətə uğratmış (müvafiq surətdə 10:0, 12:0 və 10:0 hesabı ilə), ancaq finalda ötən ilin Asiya və dünya çempionu yaponiyalı Lui Susakiyə uduzmuşdur. Həlledici görüş heç-heçə (2:2) nəticələnsə də, qələbəyə sonuncu xalı qazanan yapon güləşçi sevinmişdir, Stadnik isə gümüş medalla kifayətlənməli olmuşdur.

“Xalq qəzeti”