Bu gün “Dərnəgül” voleybol mərkəzində Azərbaycanın qadın komandalarının Superliqa turnirində iki oyun olacaq. Beşinci tura təsadüf edən görüşlərdə “Abşeron” Azərbaycan Voleybol Federasiyasının (AVF) komandası ilə, “Lokomotiv” isə “Azərreyl”lə görüşəcəklər.

Dörd turdan sonra turnir cədvəlinə 12 xalla “Azərreyl” başçılıq edir. İkinci yeri tutan “Abşeron” 9 xal toplamışdır. AVF-nin 3 xalı var, “Lokomotiv” isə hələlik xal qazana bilməmişdir.

“Xalq qəzeti”