Aprelin 7-8-də ABŞ-da keçiriləcək sərbəst güləş üzrə Dünya Kuboku yarışında mükafatlar uğrunda səkkiz ölkə komandaları mübarizə aparacaqlar. Dünya  Güləş Birliyinin mənzil-qərargahında  keçirilmiş püşkatma mərasimində  rəqiblər  ilkin mərhələdə  iki qrupa  bölünmüşlər.

Azərbaycan millisi  Rusiya, Kuba və Qazaxıstan komandaları ilə  birlikdə “B” qrupunda çıxış edəcək. “A” qrupunda isə ABŞ, Gürcüstan, İran və Yaponiya güləşçiləri görüşəcəklər.

Ölkə Güləş Federasiyasının saytı bu barədə yaydığı xəbərdə onu da  xatırladıb ki, milli komandamız ötən il bu yarışda  üçüncü yeri tutmuş, 2004 və 2009-cu illərdə isə Dünya Kubokuna sahib olmuşdur.

“Xalq qəzeti”