Koreya Respublikasının Pxençxan şəhərində davam edən XXIII Qış Olimpiya Oyunlarında hələlik on ölkənin nümayəndə heyətləri öz təmsilçilərinin qızıl mükafatlarını bayram etmişlər.

Olimpiadada medal qazanmış ölkələrin siyahısına başçılıq edən Almaniya komandasının üzvləri 5 dəfə fəxri kürsünün zirvəsinə dəvət olunmuşlar. Cədvəldə onların ən yaxın izləyicisi Hollandiya ən yüksək mükafatların sayına görə Almaniyadan 1 medal geri qalır. Birinci beşliyi təşkil edən digər 3 ölkə Norveç, Kanada və ABŞ hərəyə 3 qızıl mükafat qazanmışlar.

Fransa, İsveç və Avstriyanın 2, İtaliya və Koreya Respublikasının 1 qızıl medalı var.

Bu gün Olimpiada iştirakçıları dağ xizəkçiliyi, xokkey, snoubord, fiqurlu konkisürmə və daha bir neçə növ üzrə yarışlarda medallar uğrunda mübarizə aparacaqlar.

“Xalq qəzeti”