Fevralın 16-dan 18-dək Dubayda (Birləşmiş Ərəb Əmirlikləri) keçiriləcək beynəlxalq “Karate 1 Premyer Liqa” turnirində Azərbaycan komandası geniş heyətlə təmsil olunacaq.

Ölkə Karate Federasiyasının mətbuat xidmətinin yaydığı xəbərə görə, turnirdə milli komandamızın əsas və əvəzedici üzvlərindən Firdovsi Fərzəliyev, Tural Ələkbərli (hər ikisi 60 kq), Niyazi Əliyev, Tural Ağalarzadə, Rafiz Həsənov (hər üçü -67 kq), Rafael Ağayev (-75 kq), Ayxan Mamayev (84 kq), Şahin Atamov (+84 kq), Nuranə Əliyeva (-50 kq), İlahə Qasımova (-55 kq), Fəridə Abiyeva (-61 kq), Fəridə Əliyeva (+67 kq) və başqaları ustalıqlarını nümayiş etdirmək imkanı qazanacaqlar.

Şübhəsiz, qarşıdakı mötəbər yarış onun iştirakçıları 74 ölkənin 220-dən çox təmsilçisi üçün çox faydalı olacaq.

“Xalq qəzeti”