Koreya Respublikasının Pxençxan şəhərində təşkil edilmiş  XXIII Qış Olimpiya Oyunlarında  fevralın 12-də keçirilmiş yarışlardan sonra medal qazanmış ölkələrin sayı bir qədər də artıb 18-ə çatmışdır.

Əvvəlkitək siyahıya Almaniya komandası başçılıq edir – 4 qızıl, 1 gümüş, 2 bürünc mükafat. İkinci mövqedə olan Hollandiyanın hesabında 3 qızıl, 2 gümüş və 2 bürünc medal  vardır.  Üçüncü pillədə isə 2 qızıl, 4 gümüş və 3 bürünc medalla Norveç millisi irəliləyir. Bu ölkənin idmançıları mükafatların sayına görə (9) isə birincidirlər.

Cədvəldə dördüncü – doqquzuncu yerləri Kanada (2+4+1), ABŞ (2+1+1), Fransa (2 qızıl, 1 bürünc), İsveç (1 qızıl, bir gümüş), Avstriya  və Koreya Respublikası (hərəyə 1 qızıl medal) tuturlar.

Yaxın xaric ölkələrindən Rusiya 1 gümüş, 1 bürünc medal qazanmış, Qazaxıstanın isə 1 bürünc mükafatı vardır.

“Xalq qəzeti”