Martın 17-də Gürcüstanın Batumi şəhərində starta çıxacaq kişilər arasında şəxsi Avropa çempionatında medallar uğrunda 280 nəfərədək şahmatçı mübarizə aparacaq.

Chess-results.com saytında verilmiş iştirakçıların siyahısında turnirin ən yüksək reytinqli  şahmatçısı çexiyalı David Navara (2745) olacaq. Birinci beşliyə həmçinin rusiyalı Dmitri Yakovenko (2744), polyak Radoslav Voytaşek (2735), Vasili İvançuk (Ukrayna, 2731) və azərbaycanlı qrossmeyster Rauf Məmmədov (2709) daxildirlər.

On bir turdan ibarət Avropa çempionatında Məmmədovla yanaşı, daha bir qrup təmsilçimiz Arkadi Naydiç (2705), Qədir Hüseynov (2646), Eltac Səfərli (2639), Nicat Abasov (2608) və başqaları çıxış edəcəklər.

“Xalq qəzeti”