Xəbər verdiyimiz kimi, Azərbaycan cüdoçuları bu günlərdə Parisdə keçirilmiş “Böyük dəbilqə” turnirində bir bürünc medala  sahib olmuşlar.

İndi həmin xəbərə əlavə olaraq bildirmək istərdik ki, təmsilçimiz İrina Kindzerskayanın (+78 kq) qadınların yarışında gərgin görüşlərdə qazandığı mükafat Azərbaycan millisinə komanda hesabında Sloveniya yığması ilə 15-16-cı yerləri bölüşdürmək imkanı vermişdir. Əgər turnirdə 70-dən çox ölkə nümayəndələrinin çıxış etdiklərini  nəzərə alsaq,  bir bürünc medalla qazanılmış 15-ci yer  belə mötəbər yarışda yüksək nəticədir.

“Xalq qəzeti”