Futzal həvəskarları onları çox maraqlandıran bu suala sabah cavab alacaqlar. Sloveniyanın paytaxtı Lyublyanada başa çatmaqda olan Avropa çempionatının final görüşündə Portuqaliya komandası və hazırkı Avropa çempionu İspaniya millisi qarşılaşacaqlar.

Portuqaliya futzalçıları yarımfinalda rusiyalı rəqibləri üzərində qələbə qazanmışlar–3:2, ispanlar isə Qazaxıstan komandasına penaltilər seriyasında qalib gəlmişlər–3:1 (oyunun əsas vaxtında 5:5 hesabı qeydə alınmışdır).

Portuqaliya–İspaniya finalı kimi, 3-cü yer uğrunda Rusiya–Qazaxıstan görüşü də fevralın 10-da keçiriləcəkdir.

“Xalq qəzeti”