Mazandaranda (İran İslam Respublikası) davam edən beynəlxalq “Fəcr” turnirində Azərbaycan şahmatçısı Azər Mirzəyev liderlər qrupunda irəliləyir.

Üç qələbə və bir məğlubiyyətdən sonra beşinci turda kubalı Migel Xuan Ponsa qalib gələn Mirzəyev 5 mümkün xaldan 4 xal toplamışdır. Qrossmeysterimiz bu nəticə ilə daha altı rəqiblə ikinci-səkkizinci yerləri bölüşdürür. Turnirin lideri isə ən yaxın izləyicilərindən yarım xal irəlidə olan Rusiya şahmatçısı Pavel Ponkratovdur (4,5 xal).

Doqquz turdan ibarət yarışda bu gün 6-cı raundun görüşləri keçiriləcəkdir.

“Xalq qəzeti”