Sloveniyanın Lyublyana şəhərində keçirilən futzal üzrə Avropa çempionatının ən güclü dörd komandası müəyyənləşmişdir. Yarımfinallarda azarkeşlər Rusiya–Portuqaliya və Qazaxıstan–İspaniya görüşlərinin şahidi olacaqlar.

Dörddəbir final mərhələsinin son iki oyununda Portuqaliya futzalçıları Azərbaycan komandasını ağır məğlubiyyətə uğratmışlar–8:1, ispanların isə Ukrayna yığması üzərində qələbəsini yeganə qol həll etmişdir–1:0.

Hər iki yarımfinal oyunu fevralın 8-də keçiriləcəkdir.

“Xalq qəzeti”