Bu günlərdə  Türkiyə Superliqasının tarixində ən uğurlu transfer sövdləşməsi həyata keçirərək, Cenk Tosunu 28 milyon avro qarşılığında İngiltərənin “Everton” klubuna satan “Beşiktaş” onun yerini doldurmaq üçün yeni oyunçu axtarışlarına başlayıb. Bildirilir ki, “Beşiktaş” rəhbərliyi Cenk Tosunun yerinə “Mançester Yunayted”dən ayrılmağı düşünən Zlatan İbrahimoviçi gətirmək istəyir. 

Bu barədə İtaliya mətbuatında yayılan şayiələrə görə, artıq “Beşiktaş” rəsmiləri Zlatan İbrahimoviçin meneceri Mina Rayola ilə görüşüblər. Yeri gəlmişkən, Zlatan İbrahimoviçin hansı qərarı verəcəyi maraqla gözlənilir.

Qeyd edək ki, bu mövsüm zədə səbəbilə cəmi 7 matçda oynayan Z.İbrahimoviç “Mançester Yunayted” forması ilə 1 qol vurub.

Elçin ABBASOV,
“Xalq qəzeti”