“Qalatasaray” klubu komandanın braziliyalı müdafiəçisi Maicon Pereyranın  transfer qiymətini açıqlayıb. Bildirilir ki, “cim-bom”un 20 milyon avro qiymət qoyduğu Maiconla İtaliyanın “İnter” klubu yaxından maraqlanır.

Məlumata görə, son zamanlar maddi sıxıntı ilə üzləşən “Qalatasaray” “A” seriyası təmsilçisindən 20 milyon avro tələb etsə də, “İnter”  rəhbərliyi Maiconun transferindən geri çəkilib. Bildirilir ki, buna səbəb “İnterin”də son günlər iqtisadi krizislə üzləşməsidir. Lakin mütəxəssislər yaxın zamanlarda “İnterin” Maicon üçün yenidən “Qalatasaray”ın qapısını döyəcəyini bildiriblər.

 “Qalatasaray”ın baş məşqçisi Fatih Terim  braziliyalı müdafiəçinin klubdan ayrılmasını istəmir. Qeyd edək ki, Maicon “Sao Paulo”dan 7 milyon avroya alınıb.

Elçin ABBASOV,
“Xalq qəzeti”