Bu gün Rusiyanın Sankt-Peterburq şəhərində başlanıb iki gün davam edəcək “World Masters” beynəlxalq cüdo turniri ilin finişində tatami ustalarının qüvvələrinə son ciddi baxış olacaq. Hər çəkidə mükafatlar uğrunda reytinqə görə ən yaxşı 16 idmançının mübarizə aparacağını nəzərə alsaq, idman həvəskarlarını bir-birindən maraqlı görüşlər gözləyir.

Əlliyə qədər ölkə cüdoçularının iştirak edəcəyi turnirdə Azərbaycanı milli komandamızın liderləri Rüstəm Orucov və Hidayət Heydərov (hər ikisi 73 kq), 90 kq çəki dərəcəsində çıxış edən Məmmədəli Mehdiyev və Tural Səfquliyev, Elxan Məmmədov və Elmar Qasımov (hər ikisi 100 kq), Uşanqi Kokauri (100 kq-dan yuxarı) təmsil edəcəklər.

Oqtay BAYRAMOV, “Xalq qəzeti”