Ağdamın “Qarabağ” komandası UEFA Çempionlar Liqası turnirinin qrup mərhələsində bu gün 3-cü turun oyununu keçirəcək. Birinci dövrənin finişinə təsadüf edən görüşdə ölkə çempionu İspaniyanın “Atletiko” (Madrid) klubunu qəbul edəcək.

UEFA saat 20.00-da Bakı Olimpiya Stadionunda başlanacaq bu oyunun hakimliyini Fransa Futbol Federasiyasının nümayəndələrinə həvalə etmişdir. Baş hakim funksiyasını Ruddi Buke yerinə yetirəcəkdir.

Bu gün bizim qrupda daha bir oyun isə Londonda keçiriləcəkdir. Orada “Çelsi” futbolçuları “Roma” ilə görüşəcəklər.

Bugünkü görüşlər ərəfəsində “C” qrupunda “Çelsi” liderdir–6 xal. Turnir cədvəlində onun ən yaxın izləyicisi “Roma” 4 xal toplamışdır. “Atletiko”nun 1 xalı var, “Qarabağ” isə hələlik xal qazanmayıb.

O. BAYRAMOV,
“Xalq qəzeti”