Berlində 40-a qədər ölkədən 500-dən çox cüdoçunun iştirakı ilə keçirilmiş oğlan və qızlar arasında Avropa kuboku yarışlarına yekun vurulmuşdur. Almaniyada 3 qızıl, 1 gümüş və 2 bürünc medal qazanan Azərbaycan idmançıları turnirdə altı dəfə fəxri kürsüyə yüksəlmişlər.

Təmsilçilərimiz arasında ən böyük müvəffəqiyyətə Nəzakət Əzizova (52 kq), Kəramət Hüseynov (60 kq) və Zelim Kotsiyev (100 kq) nail olmuşlar. Onlar bütün görüşlərdə qələbə qazanaraq, qızıl medalların sevincini yaşamışlar.

Gümüş mükafat qadınların turnirində 48 kq çəki dərəcəsində çıxış edən və yalnız finalda uduzan Leyla Əliyevaya təqdim olunmuşdur. Nümayəndə heyətimizə bürünc mükafatları isə Yaqub Cavadov (66 kq) və Naim Hüseynov (81 kq) qazandırmışlar.