İsveçrənin Bil şəhərində keçirilən beynəlxalq şahmat turnirinin dördüncü turunda hər üç görüş heç-heçə başa  çatmışdır. Şəhriyar Məmmədyarov Pyotr Svidlerlə (Rusiya), David Navara (Çexiya) Maksim Vaşye – Laqravla (Fransa) və Niko Georgiadis (İsveçrə) Maqnus  Karlsenlə (Norveç) heç-heçəyə razılaşmışlar.

Dörd turdan sonra  əvvəlkitək Məmmədyarov və Karlsen irəlidədirlər. Liderlərin hərəyə 3 xalı var. Üçüncü pillədə olan  Svidler 2,5 xal toplamışdır.

Bu gün keçiriləcək beşinci turla birinci  dövrəyə yekun vurulacaq. Bu turda azərbaycanlı   qrossmeyster  qara fiqurlarla  Karlsenə qarşı oynayacaq.

“Xalq qəzeti”