Ukraynanın Odessa şəhərində Semyon Trestinin xatirəsinə həsr  edilən “A” kateqoriyalı beynəlxalq boks turnirinin  mükafatları uğrunda 15 ölkədən 135 iştirakçı mübarizə aparmışdır. Onların arasında Azərbaycan  təmsilçiləri də olmuşlar.

Milli Boks Federasiyası mətbuat xidmətinin  bu barədə məlumatında bildirilir ki, rinq ustalarımızdan ikisi  çıxışlarını fəxri kürsüdə başa vurmuşdur. Lorenso Şotomayor (69 kq) və Kamran Şahsuvarlı (81 kq) yalnız finalda uduzub gümüş medal qazanmışlar.

“Xalq qəzeti”