Azərbaycan şahmatının lideri Şəhriyar Məmmədyarov İsveçrənin Bil şəhərində altı qrossmeysterin iştirakı ilə keçirilən ənənəvi beynəlxalq turnirin ikinci turunda qara fiqurlarla çexiyalı David Navaraya qarşı oynamışdır. Görüş 45-ci gedişdə  heç-heçə nəticələnmişdir.

Turun digər iki oyununda Maqnus Karlsen (Norveç) Maksim Vaşye –Laqrava (Fransa) qalib  gəlmiş, rusiyalı Pyotr Svidler isə isveçrəli Niko  Georgiadisi məğlubiyyətə uğratmışdır.

İki turdan sonra turnir cədvəlinə başçılıq edən Karlsenin 2 xalı var. Məmmədyarovla Svidler 1,5, Vaşye – Laqrav ilə Navara 0,5 xal  toplamışlar, Georgiadis isə  hər iki oyunda  uduzmuşdur.

Bu gün  keçirilən üçüncü turda Azərbaycan şahmatçısı ağ fiqurlarla Vaşye - Laqrava qarşı oynayacaq.

“Xalq qəzeti”