Azərbaycan klublarının UEFA Avropa Liqası turnirinin elə birinci təsnifat mərhələsindən sonra mübarizə meydanını tərk etmələrini başqa cür adlandırmaq olmaz. Hərçənd mərhələnin birinci raundundan sonra “Neftçi” cavab görüşü ərəfəsində ümumi müvəffəqiyyət üçün özünə yaxşı zəmin yaratmışdı.

 

Amma ümidlərimiz doğrulmadı. Bir həftə əvvəl doğma azarkeşlər qarşısında Macarıstanın “Uypeşt” klubuna iki top üstünlüklə qalib gələn (3:1) bakılılar Budapeştdə ağır məğlubiyyətlə barışmalı oldular (0:4).

“Keşlə” və “Qəbələ”nin cavab görüşlərində qələbələri isə bizim üçün zəif təsəllidir. “Keşlə” Maltaya çox uğursuz səfərdən (1:4) sonra “Dalğa Arena”da “Baltsan”a yalnız 2:1 hesabı ilə qalib gələ bildi, evdə Lüksemburqun “Proqres” klubuna 0:2 hesabı ilə məğlub olan “Qəbələ”nin isə səfərdə bu qollardan təkcə birinin əvəzini çıxmağa gücü çatdı (1:0).

Bu isə o deməkdir ki, 2018/2019-cu illər mövsümündə Avroliqa turniri klublarımız üçün artıq bitmişdir və indi avrokuboklar meydanında yalnız bir komandamız qalır–Çempionlar Liqasında “Kukesi” (Albaniya) ilə ikinci təsnifat mərhələsinin oyunlarına 

hazırlaşan “Qarabağ”.

Oqtay BAYRAMOV,

 “Xalq qəzeti”