UEFA Çempionlar Liqası turnirinin birinci təsnifat mərhələsinin sınaqları artıq arxada qalmışdır. Azərbaycanın “Qarabağ” komandası ikinci mərhələdə yoluna davam edəcək.

 

Ölkə çempionumuz turnirin startında iki oyunun yekununda Sloveniyanın Lyublyana şəhərinin “Olimpiya” komandasından güclü olmuşdur. Turnirə rəqib meydanında qələbə ilə başlayan (1:0) Ağdam komandası Tofiq Bəhramov adına Respublika Stadionunda cavab görüşündə heç-heçə sayəsində (0:0) həmin üstünlüyü qoruyub saxlamış və ikinci mərhələyə vəsiqə qazanmışdır.

Bu mərhələdə Qurban Qurbanovun komandası Albaniyanın “Kukesi” klubu ilə görüşəcək. İlk oyun iyulun 25-də Albaniyada, cavab görüşü isə avqustun 1-də Bakıda keçiriləcək.

 

Oqtay BAYRAMOV,

“Xalq qəzeti”