Azərbaycanın kişi  və qadınlardan ibarət  qarışıq cüdo  komandası Rusiyanın Yekaterinburq şəhərində keçirilmiş Avropa  çempionatında çıxışlarını fəxri  kürsünün bir  addımlığında  başa  vurmuşdur.

Çempionata Polşa komandası üzərində  qələbə  ilə  başlayan yığmamız sonra  Hollandiyaya  uduzmuş, təsəlliverici  görüşlərdə Rumıniya və  Avstriya kollektivlərinə  qalib  gəlmiş, amma üçüncü yer  uğrunda  matçda Rusiya komandasına  məğlub olaraq  mükafatçılar  sırasına  daxil  ola  bilməmişdir.

Avropa  çempionatının  qalibi  isə Almaniya komandası  olmuşdur.

“Xalq qəzeti”