Azərbaycanın sərbəst və yunan-Roma güləşçiləri İstanbulda keçirilmiş gənclər arasında “Çempionlar” beynəlxalq turnirində üst-üstə 11 medal qazanmışlar.

Təmsilçilərimizdən ən yüksək mükafata 63 kq çəki dərəcəsində çıxış edən yunan-Roma güləşçisi Zaur Nuriyev sahib olmuşdur. Güləşin bu növündə Azərbaycan idmançıları həmçinin 1 gümüş və 2 bürünc medal qazanmışlar.

Milli Güləş Federasiyasının bu barədə yaydığı xəbərdə “sərbəstlərimizin” isə Türkiyədən 2 gümüş və 5 bürünc mükafatla qayıtdıqları, komanda hesabında üçüncü yeri tutduqları diqqətə çatdırılmışdır.

“Xalq qəzeti”