Sentyabrın 20-27-də Bakıda keçiriləcək dünya çempionatında Kubanın kişi və qadınlardan ibarət  komandalarında ümumilikdə 15 cüdoçu çıxış edəcək və bu ölkə Azərbaycan paytaxtında ən böyük nümayəndə heyətlərindən biri ilə təmsil olunacaq.

Bu barədə azerisport-un məlumatında xüsusi vurğulanır ki, Kuba Cüdo Federasiyasının çempionatın Təşkilat Komitəsinə göndərdiyi sifariş siyahısında Olimpiya çempionlarının, mundial qaliblərinin adları vardır. Şübhəsiz, Azadlıq adasının adlı-sanlı tatami ustaları Bakıda da dünya çempionatında fəxri kürsüyə yüksəlmək əzmindədirlər.

“Xalq qəzeti”