İsrailin Yerusəlim şəhərində keçirilən Q.Yafetin xatirəsinə həsr olunmuş açıq beynəlxalq turnirdə 70 şahmatçı, o cümlədən 16 qrossmeyster yarışır.

Onların arasında Azərbaycan milli komandasının üzvü Arkadi Naydiç də var. Reytinqə görə iştirakçıların siyahısına 2697 əmsala malik qrossmeysterimiz başçılıq edir.

Yeddi turdan ibarət turnir avqustun 7-də finişə çatacaq. Təmsilçimiz ilk üç görüşdə gürcüstanlı Melia Salome, İsrail şahmatçısı Aleksandr Zlatin və Anna Uşenina (Ukrayna) üzərində üç qələbə qazanaraq lider mövqeyinə yüksəlmişdir.

“Xalq qəzeti”