Beynəlxalq Şahmat Federasiyası (FİDE) 2018-ci il iyul ayının 1-nə olan vəziyyətə görə reytinq cədvəlini açıqlayıb. Azərbaycanlı qrossmeyster Şəhriyar Məmmədyarov 2801 əmsalla əvvəlkitək üçüncü mövqedədir.

Milli komandamızın digər üzvləri –Teymur Rəcəbov (2751) 17-ci, rauf Məmmədov (2708) 36-cı, Arkadi Naydiç (2698) 47-ci, Eltac Səfərli (2667) 76-cı və Qədir Hüseynov  (2654) 100-cü yerdədirlər.

Cədvəlin ilk iki pilləsində isə dünya çempionu Maqnus Karlsen (Norveç, 2842) və noyabrda Londonda dünya şahmat tacı uğrunda matçda onun rəqibi olacaq Fabiano Karuana (ABŞ, 2822) irəliləyirlər.

“Xalq qəzeti”