Avstriyada təlim-məşq toplanışında olan Ağdamın “Qarabağ” komandası bu gün növbəti yoxlama görüşü keçirəcəkdir. Bu dəfə Azərbaycan çempionunun rəqibi Suriya milli komandası olacaq. Oyun Bakı vaxtı ilə saat 20:30-da başlanacaq.

Bu, “Qarabağ”ın indiki toplanış çərçivəsində üçüncü yoldaşlıq görüşü olacaq. Komandamız buna qədər Bolqarıstanın “Ludoqorets” və Avstriyanın “Vakker” (İnsbruq) klubları ilə qarşılaşmışdı. Hər iki oyunda hakimlər heç-heçə qeydə almışlar–müvafiq surətdə 1:1 və 0:0.

“Xalq qəzeti”