İspaniyanın “Valensiya” futbol klubunun müdafiəçisi Joau Kanselu karyerasını İtaliyanın “Yuventus” komandasında davam etdirəcək. Bu barədə “Eurosport” məlumat yayıb.

Bildirilir  ki, 24 yaşlı portuqaliyalı futbolçu ilə 2023-cü ilə qədər müqavilə imzalanıb. “Yuventus”un mətbuat xidmətinin məlumatına görə, klub oyunçuya görə “Valensiya”ya 40,4 milyon avro ödəyəcək.

Razılaşmaya əsasən, turinlilər bu məbləği növbəti üç ildə  hissə-hissə ödəyəcəklər.

Qeyd edək ki, Kanselu ötən mövsümü icarə əsasında “İnter”də keçirib. O, 26 oyunda 1 dəfə fərqləni, 3 məhsuldar ötürmə edib.

Elçin ABBASOV,

“Xalq qəzeti”