Bu gün keçiriləcək növbəti dörd oyunla futbol üzrə dünya çempionatının ilkin mərhələsinə yekun vurulacaq və səkkizdəbir finalda medallar uğrunda mübarizə aparacaq bütün 16 komanda məlum olacaq.

Tura saat 18-də Volqoqrad və Samarada Yaponiya–Polşa və Seneqal–Kolumbiya görüşləri ilə start veriləcək. Bu rəqiblər “H” qrupunda yarışırlar.

Daha iki oyun isə “G” qrupunda keçiriləcək. Kalininqradda İngiltərə millisi Belçika komandası ilə qarşılaşacaq. Saranskda isə Panama–Tunis matçı oynanılacaq. Hər iki görüş saat 22-də başlanacaq.

“Xalq qəzeti”