İyulun 18-də Rusiyanın Yekaterinburq şəhərində starta çıxacaq qarışıq heyətlərdən (kişi və qadınlar) ibarət komandalar arasında cüdo üzrə Avropa çempionatının medalları uğrunda 21 ölkənin tatami ustaları mübarizə aparacaqlar.

Bu barədə azerisport-un məlumatında bildirilir ki, çempionatda iştirak edəcək Azərbaycan milli komandası Yekaterinburqa səkkiz cüdoçudan ibarət heyətlə gedəcək. Turnirdə yığmamızın şərəfini Telman Vəliyev (73 kq), Tural Səfquliyev (90 kq), Uşanqi Kokauri, Şahin Qəhrəmanov (hər ikisi +90 kq), İçinxorlo Munxtsedov (57 kq), Aida Baxışova, Günel Həsənli (hər ikisi 70 kq) və İrina Kindzerska (70 kq) qoruyacaqlar.

“Xalq qəzeti”