Argentina yığmasının futbolçuları xahiş ediblər ki, iyunun 26-da Sankt-Peterburqda dünya çempionatının qrup mərhələsinin Nigeriya komandası ilə keçiriləcək üçüncü və sonuncu matçına yeni baş məşqçi təyin edilsin Bu barədə “Toda Posion” nəşri məlumat yayıb.

Oyunçular turnirin qrup mərhələsinin Nigeriya yığması ilə sonuncu matçında komandaya baş məşqçi Xorxe Sampaolinin rəhbərlik etməsini istəmirlər. Onlar istəyirlər ki, növbəti oyunda məşqçi Sampaolinin köməkçisi olsun.

Xatırladaq ki, dünya çempionatının qrup mərhələsinin ikinci turunun matçında 0:3 hesabı ilə Xorvatiya komandasına uduzan Argentina yığması cəmi bir xalla öz qrupunda üçüncü yeri tutur.

Elçin ABBASOV,

“Xalq qəzeti”