Sabah Bakıda qarşıdakı payızda Argentinanın paytaxtı Buenos-Ayresdə keçiriləcək Yeniyetmələrin II Yay Olimpiya Oyunlarına lisenziya xarakterli idman gimnastikası üzrə seçmə yarışlarına start veriləcəkdir.

Turnirin mükafatları ilə yanaşı Olimpiya “biletləri” uğrunda 16-17 yaşlı oğlanlar və 15 yaşlı qızlar mübarizə aparacaqlar. Çoxnövçülükdə ilk 17 yeri tutan iştirakçılar Olimpiadaya vəsiqəni özlərinə təmin edəcəklər.

Bakıda seçmə turnirində Azərbaycanı Samirə Qəhrəmanova, Ağamurad Qəhrəmanov və Səməd Məmmədli təmsil edəcəklər.

“Xalq qəzeti”