UEFA İtaliyanın “Milan” futbol klubunu 2 illik avrokuboklardan uzaqlaşdırmaq istəyir. Bu barədə  “Sky Sport” məlumat yayıb.

Bildirilir ki, UEFA “rossonierilər”i maliyyə “Fair-play” qaydalarını pozmaqda ittiham edir. İtaliya klubunun vəziyyətinin həlli üçün təklif etdiyi müqavilə şərtlərini qitə futbol qurumu rədd edib. Bundan əlavə, UEFA biznes sahəsində şübhəli şəkildə tanınan klub sahiblərinə güvənmir.

“Milan” rəhbərliyi avrokuboklardan kənar qalacağı təqdirdə Lozanna Arbitraj Məhkəməsinə apellyasiya şikayəti verməyi planlaşdırır.

Elçin ABBASOV,

“Xalq qəzeti”