Beynəlxalq Futbol Federasiyasının prezidenti  Canni İnfantino FİFA-nın mətbuat xidmətinə bildirmişdir ki, futbol üzrə dünya çempionatının startına bir həftə qalmış əminliklə demək olar ki, Rusiya turnirin keçirilməsinə 100 faiz hazırdır:

“Mən bu çempionatı səbirsizliklə gözləyirəm. Tez bir vaxtda topu oyunda görmək, azarkeşlərin emosiyalarını izləmək istəyirəm. Axı bu, Yer üzündə ən yaxşı tamaşadır. Düşünürəm ki, indi, turnirin başlanmasına bir həftə qalmış biz əminliklə deyə bilərik: Rusiya çempionatın keçirilməsinə 100 faiz hazırdır. Bütün dünya görəcək ki, Rusiya necə qonaqpərvər ölkədir, hər şey necə də gözəl təşkil olunub. Bizim hamımızı unudulmaz təəssürat gözləyir”.

Oqtay BAYRAMOV, “Xalq qəzeti”