Beynəlxalq Hərbi İdman Şurasının (CISM) təşkilatçılığı ilə İsveçrənin Tun şəhərində hərbi atıcılıq üzrə 50-ci dünya çempionatında təmsilçimiz  Ruslan Lunev uğur qazanıb. Bu barədə Müdafiə Nazirliyindən məlumat verilib.

Çempionatda ölkəmizi Mərkəzi Ordu İdman Klubunun 2 idmançısı – baş leytenant Ruslan Lunev və Nigar Nəsirova təmsil edirlər.

Yarışların tapançadan 25 metr məsafədən atış növündə iştirak edən təmsilçimiz Ruslan Lunev Estoniya və Çindən olan rəqiblərini üstələyərək qızıl medala layiq görülüb və dünya çempionu adını qazanıb.

Qeyd edək ki, mayın 30-u başlayan yarış  iyunun 6-dək davam edəcək.

Əfsanə BAYRAMQIZI,
“Xalq qəzeti”