Dünya çempionatı – 2018-ə hazırlıq proqramı çərçivəsində İngiltərənin Liverpul şəhərinin “Enfild” stadionunda keçirilmiş Braziliya–Xorvatiya yoldaşlıq görüşündə beşqat dünya çempionlarının xeyrinə 2:0 hesabı qeydə alınmışdır. Qələbə toplarını ikinci hissədə Neymar və Roberto Firmino vurmuşlar.

Braziliyalılar mundial ərəfəsində sonuncu yoldaşlıq görüşündə iyunun 10-da Vyanada Avstriya komandası ilə qarşılaşacaqlar.

Dünya çempionatının ilkin mərhələsində Braziliya komandası (“E” qrupu) oyunları bu ardıcıllıqla keçirəcəkdir: 17 iyun. Rostov. İsveçrə; 22 iyun. Sankt-Peterburq. Kosta-Rika; 27 iyun. Moskva. Serbiya.

Oqtay BAYRAMOV, “Xalq qəzeti”