Beynəlxalq Şahmat Federasiyası (FİDE) 

2018-ci il iyunun 1-nə olan vəziyyətə görə reytinq cədvəlini dərc etdirmişdir. Siyahıya 2843 əmsalla norveçli dünya çempionu Maqnus Karlsen başçılıq edir.

Birinci üçlüyə həmçinin qarşıdakı payızda dünya şahmat tacı uğrunda matçda Karlsenin rəqibi olacaq Fabiano Karuana (ABŞ, 2816) və azərbaycanlı qrossmeyster Şəhriyar Məmmədyarov (2806) daxildirlər.

Dünyanın ən yüksək reytinqli on şahmatçısının siyahısında qalan yerlər bu ardıcıllıqla bölüşdürülür: Din Lijen (Çin, 2798), Vladimir Kramnik (Rusiya, 2792), Maksim Vaşye-Laqrav (Fransa, 2789), Aniş Giri (Hollandiya, 2782), Sergey Karyakin (Rusiya, 2782), Uesli So (ABŞ, 2778), Hikaru Nakamura (ABŞ, 2769).

Oqtay BAYRAMOV,

“Xalq qəzeti”