Qarşıdakı  futbol üzrə  dünya  çempionatının  iştirakçıları  bu  günlər  mundiala  hazırlıq  proqramı çərçivəsində  son  yoldaşlıq  görüşlərində  meydana  çıxırlar.

Rusiya stadionlarında  dünya  çempionatının  ilkin  mərhələsində  İspaniya,  Portuqaliya  və İran komandaları  ilə  bir  qrupda  çıxış  edəcək Mərakeş  futbolçuları  Ukrayna  yığması  ilə heç-heçə oynamışlar – 0:0.

Dünya  çempionatının daha  bir  iştirakçısı  Seneqal  millisinin  Lüksemburq  komandası ilə  matçında  da  hesab  açılmamışdır. Çempionatda  Seneqal  futbolçuları  Polşa,  Yaponiya  və  Kolumbiya  komandaları  ilə  birlikdə “H”  qrupunda  çıxış  edəcəklər.

“Xalq qəzeti”