Azərbaycanın yeniyetmə cüdoçuları Portuqaliyanın Koimbra şəhərində keçirilmiş Avropa Kuboku yarışında uğurla çıxış etmişlər. Səkkiz təmsilçimiz fəxri kürsüyə yüksəlmişdir.

İyirmi səkkiz ölkədən 416 idmançının çıxış etdiyi yarışda Azərbaycan cüdoçularından Zaməddin Poladov (60 kq), Vüqar Talıbov (66 kq) və Toğrul Salmanov (+90 kq) bütün rəqiblərinə qalib gələrək qızıl medallar qazanmışlar.

Komandamızın üzvlərinə həmçinin bir gümüş və dörd bürünc mükafat təqdim olunmuşdur.

“Xalq qəzeti”