RİA Novosti Braziliyanın Folha de S. Paulo nəşrinə istinadla bildirib ki, Braziliya komandasının oyunçuları Rusiyada dünya çempionatında qələbə təqdirində mükafat olaraq hərəyə 1 milyon dollar alacaqlar.

Nəşrin qeyd etdiyinə görə, Braziliya çempion olsa, komandanın baş məşqçisi Tite və onun köməkçilərini də həmin məbləğdə mükafat gözləyir. Nümayəndə heyətinin qalan üzvləri az məbləğ alacaqlar.

Materialda həmçinin deyilir ki, 2014-cü ildə Braziliyada keçirilmiş dünya çempionatında ölkə Futbol Federasiyası komandaya 35 milyon dollar mükafat vəd etmişdi, amma braziliyalılar onda dördüncü yeri tutdular. Dünya çempionatı 2012-də Braziliya komandasına titul qazandırmış Luis Felipe Skolari 100 min dollar almışdı.

Rusiyada dünya çempionatının ilkin mərhələsində Braziliya futbolçuları İsveçrə, Kosta-Rika və Serbiya ilə bir qrupda çıxış edəcəklər.

“Xalq qəzeti”