Sabah Avropada  böyük  futbol  həyəcanı  yaşanacaq.  UEFA Çempionlar  Liqası  turnirində  milyonlarla  azarkeşin  səbirsizliklə  gözlədiyi  həlledici  final  görüşü  başlanmaq üzrədir.

Mayın 26-da  İspaniyanın “Real” (Madrid) və İngiltərənin “Liverpul”  klubları  Kiyevin “Olimpiyski”  stadionunda  “ölüm-dirim”  mübarizəsi  aparacaqlar. Qələbənin qiyməti  və əhəmiyyəti  çox  yüksəkdir.

UEFA çempionluğun  taleyinin  həll  olunacağı  oyunda ədalətin  qorunmasını 45  yaşlı Milorad  Majiçin  başçılıq  etdiyi  serbiyalı  hakimlər  briqadasına  həvalə  etmişdir.

Beləliklə,  top  meydanın  mərkəzindədir  və  hamı  Majiçin start işarəsini  gözləyir.

“Xalq qəzeti”