İspaniya və Argentina milli futbol komandalarının Rusiyada dünya çempionatında oynayacaqları heyətlər məlum olmuşdur.

Xarici mətbuatın yaydığı xəbərlərə görə, İspaniya komandasının baş məşqçisi Xulen Lopeteqi 23 nəfərdən ibarət heyətə “Real”dan (Madrid) daha çox –altı oyunçu daxil etmişdir.

İspaniya millisi mundialın ilkin mərhələsində Portuqaliya, Mərakeş və İran komandaları ilə birlikdə “B” qrupunda çıxış edəcək.

Argentina futbolçuları isə qrup turnirində İslandiya, Xorvatiya və Nigeriya yığmaları ilə görüşəcəklər. Maradonanın həmvətənlərinin əsas zərbə qüvvəsini Messi (“Barselona” İspaniya), Paulo Dibala və Qonsalo İquain (hər ikisi “Yuventus” İtaliya) və Serxio Aquero (“Mançester Siti” İngiltərə) təşkil edəcəklər.

Oqtay BAYRAMOV,
“Xalq qəzeti”