Sentyabrın 20-27-də Bakıda cüdo üzrə dünya çempionatında  iştirak edəcək  daha iki ölkə – Belçika və Portuqaliya komandaları  da öz  heyətlərini açıqlamışlar.

Belçika millisi Azərbaycan  paytaxtına yeddi kişi və qadın cüdoçu ilə gələcək.  Komandada ən məşhur  sima Avropa çempionu, dünya çempionatının finalçısı T. Nikuforovdur (100 kq).

Portuqaliya komandasının  isə lideri Olimpiya oyunlarının bürünc medalçısı, dünya və  Avropa  çempionatlarının mükafatçısı, 57 kq çəki dərəcəsində  planetin ən güclü cüdoçularından biri hesab edilən Telma Monteyrodur.

“Xalq qəzeti”