TASS Braziliya Futbol Konfederasiyasına istinadla bildirmişdir ki, bu ölkə komandasının Rusiyada dünya çempionatı – 2018-də iştirak edəcək 23 oyunçudan ibarət heyəti elan olunub. Onların  arasında Fransanın “Pari Sen-Jermen” klubunun hücumçusu Neymar da var.

Rusiyada mundial iyunun 14-dən iyulun 15-dək keçiriləcək. Oyunlar 11 şəhərin 12 stadionunda təşkil olunacaq.

Braziliya millisi ilkin mərhələdə İsveçrə, Kosta-Rika və Serbiya yığmaları ilə birlikdə “E” qrupunda çıxış edəcək.

“Xalq qəzeti”