“Formula 1” Azərbaycan Qran-prisinin növbəti dəfə hansı tarixdə keçirilməsi  bağlı danışıqlardan sonra bəlli olacaq. Bu barədə Bakı Şəhər Halqasının marketinq və kommunikasiya şöbəsinin rəhbəri Nigar Arpadarai Trendə açıqlama verib.

O qeyd edib  ki, “Formula 1”  rəhbərliyi ilə  danışıqlar aparılacaq: “Biz istəyirik ki, Qran-pri iyun ayında keçirilsin, lakin bununla bağlı hələlik dəqiq qərar verilməyib. Bir şey bəllidir ki, gələn il mütləq olaraq Qran-pri keçiriləcək, sadəcə onun tarixi hələ məlum deyil, danışıqlar nəticəsində müəyyən olunacaq”.

Qeyd edək ki, bu il Bakıda  Azərbaycan Qran-prisi aprelin 27-29-da keçirilib.  Bu ilki qran-prinin qalibi isə "Mercedes" komandasının pilotu Lyuis Hemilton olub.

Əfsanə BAYRAMQIZI,
“Xalq qəzeti”