Ümummilli  lider  Heydər  Əliyevin anadan olmasının 95-ci  ildönümünə  həsr  edilmiş “Naxçıvan – 2018” Beynəlxalq Şahmat  Festivalının “A”  qrupunda  bu  gün 6-cı  turun  görüşləri  keçiriləcəkdir.

Beş  turdan sonra  turnir  cədvəlinə 4 xalla  qazaxıstanlı Yevgeni Pak   başçılıq  edir. On üç  iştirakçı,  o  cümlədən  Azərbaycan  şahmatçıları  Eltac  Səfərli,  Nicat Məmmədov  və  Qədir  Hüseynov  3,5  xal  toplamışlar.

Bugünkü turda  Səfərli  Pak  ilə  görüşəcək, Məmmədov  yunanıstanlı  Vasilios Kotroniasa, Hüseynov isə İqor Xenkinə (Almaniya)  qarşı  oynayacaqlar.

“Xalq qəzeti”