Ümummilli lider Heydər Əliyevin anadan olmasının 95-cı ildönümünə həsr edilmiş “Naxçıvan–2018” Beynəlxalq Şahmat Festivalının “A” qrupunda dörd turdan sonra vahid lider müəyyənləşmişdir. Turnir cədvəlinə 3,5 xalla qazaxıstanlı Yevgeni Pak başçılıq edir.

On iştirakçı, o cümlədən azərbaycanlı qrossmeysterlər Nicat Məmmədov, Eltac Səfərli, Qədir Hüseynov və Fərid Abbasov liderdən yarım xal geri qalırlar.

Bu gün keçirilən beşinci turla turnirin birinci yarısına yekun vurulacaq.

Oqtay BAYRAMOV,
“Xalq qəzeti”