Rusiya Federasiyasının Kaspiysk şəhərində keçirilən sərbəst güləş üzrə Avropa çempionatında bu gün Azərbaycanın beş idmançısı medallar uğrunda mübarizə aparacaq.

Finala çıxmaqla artıq gümüş mükafatları özlərinə təmin etmiş Giorgi Edişeraşvili (57 kq) və üçqat dünya çempionu Hacı Əliyev (65 kq) həlledici görüşlərdə rusiyalı rəqiblər, müvafiq surətdə Zaur Uqiyev və İlyas Bekbulatovla qarşılaşacaqlar.

Daha üç güləşçimiz Martuzəli Müslümov (70 kq), Cəbrayıl Həsənov (79 kq) və Nurməhəmməd Hacıyev (97 kq) bürünc medal qazanmağa çalışacaqlar.

Azərbaycanın daha beş sərbəst güləşçisi isə mübarizəyə bu gün başlayacaq.

“Xalq qəzeti”