Rusiya Şahmat Federasiyasının prezidenti Andrey Filatov “İzvestiya” qəzetinə müsahibəsində belə bir fikir söyləmişdir ki, Şəmkirdə Vüqar Həşimovun xatirəsinə həsr edilən turnirdə Şəhriyar Məmmədyarovun köməkçisi olmuş Rusiya şahmatçısı Vladimir Fedoseyev azərbaycanlı qrossmeysterdən çox şey öyrənə bilər.

A.Filatov demişdir: Şəhriyar müasir dövrün ən parlaq şahmatçılarından biridir. O, istənilən mövqedə qələbə üçün imkan axtarır. Hətta əgər görüş heç-heçəyə doğru gedirsə, rəqiblərini yorub əldən salmağa, tələ qurmağa çalışır. V.Fedoseyev bu güclü keyfiyyətləri azərbaycanlı qrossmeysterdən öyrənməyə çalışmalıdır.

O. BAYRAMOV,
“Xalq qəzeti”